CentralBooks

ABOUT Ez Khan, dps

Sa University of the East (UE) sumibol bílang aktor, manunulat, at direktor ng dulâ. Nasa elementarya nang napasali sa Little Drama Theatre, sekondarya nang nakapasa sa editorial board eksam ng Junior Dawn at sa kolehiyo na nang tinanggap sa Chorale bagupaman siya naging kasapi para sa mga gawain sa kapilya at simbahan—sakristan, choir, lektor, commentator, katekista, lay minister, at delegado. Kabilang siya sa kauna-unahang batch ng student campus ministers sa ilalim ng Archdiocese of Manila, at naging editorial staff ng newsletter nito. Nang nasa kolehiyo, pinangunahan niya sa tatlong kampus, ng UE campus ministry, ang mga cultural events—choir, acting, play/drama, kung saan nagsulat siya ng iskrip at naging direktor.

Naging circulation manager, research director, business manager, at officer-in-charge ng Weekly Dawn, napiling makasama sa AILAP Writing Lab. Participant din siya ng Creative A Memoir, at Timeless Verse—dalawang workshap ng Asia Pacific Writers & Translators (na ginanap sa UP, DLSU at UST), at Writing The Classroom DLSU. Siya ay gradweyt fellow ng mga workshap na Palihang LIRA (Linangan sa Imahen, Retorika, at Anyo), at Writing The Forest: An Online Workshop On Creative Writing and Critical Reading, at rehistrado din bilang awtor/manunulat ng National Book Development Board (NBDB). Napabílang ang kaniyang mga dulâ sa play-readings sa feeding program sa Hospicio de San Jose (HSJ)—ang pinakamatandang báhay-ampunan sa Filipinas. Itinanghal ang kaniyang dulang pambatang may isang yugto—Bullying Sebastian, mula sa orihinal na kathang inilimbag ng Cultural Center of the Philippines (CCP) Intertextual Division—sa DLSU sa ilalim ng paggabay ni Direktor Anton Juan. Inilimbag ang kaparehong dulâ sa Kawíng journal. Naimbitahan ng CCP bílang isa sa mga playwrights' fair speakers ng pinakamatagal na tagapagtaguyod ng mga dulang indie, Virgin Lab Fest. Dagdag pa, naimbitahan siya sa isang oral presentation Reading The Regions ng NCCA National Committee for Literary Arts (NCLA). Lumabas ang kaniyang mga akdâ sa Dawn, Dimension, MaMag malayang magasin, Artikulo Ko To!, Panitikan.Ph, Dawn Poets Society, Ovo|Zen, Mabaya anthology (7 Eyes Productions), Philippines Graphic at Ani (CCP Intertextual Division). Napili ang kaniyang mga akdâng pampanitikan sa mga onlayn at/o digital platforms na The Reflective Practitioner (UP, Manila), at The Maginhawa Street Journal. Inilimbag ang kaniyang mga malikhaing akdâ—dulâ at mga tulâ—sa Kawíng, at maraming beses na sa quarterly online journal na Luntian (PSLLF), Bookwatch (NBDB), To Let The Light Begin anthology ng Sing Lit Station at A Thousand Cranes (Singapore), Beatific quarterly poetry magazine (US), A Journal Of The Plague Year (Arizona State University School of Historical, Philosophical and Religious Studies).

Nakapaglimbag ng higit tatlumpong malikhaing akdâ at aklat-pampanitikan—sa Filipino man o sa Ingles—ay ginagamitan niya ng mga sagisag-panulat. Siya ay isa sa mga alagad ng panitikang Filipino—tagapagturo, patnugot, tagapagsalin, kritiko, teorista, teolohista, iskolar, pilosopo, historyador, mananaysay, mangangathâ, manunulâ at mandudulâ, photographer, ilustrador, at rebyuwer. Nagsimula siyang kumuha ng malikhaing pagsusulat sa Ateneo De Manila University. Nang dahil naman sa adhikaing pagkadalubhasa sa creative writing, nagpatuloy siyang kumuha ng mga kurso sa De La Salle University, at nang lumaon, sa Harvard University. MALIKHAING AWTOR ng hybrid literature+ sa pambata at young adults si Ez Khan, dps. Kasalukuyan niyang itinutuloy ang kaniyang myth gamit ang teknik na pabula, eco-humanities bílang janra, at sub-janrang forestry—plants & trees.

Ez Khan, dps

Items per page: 20 | Showing 1 - 1 of 1 items

Dawn Poets Society XXXVIII 'Sang Pilas Dekada

Ez Khan, dps and Matanglawin D, SaintSinner

(Softbound)

₱200.00

Items per page: 20 | Showing 1 - 1 of 1 items