Description
Sa Tahás, nakikipagtuos si Rebecca T. Añonuevo sa mga penomenon ng lipunan at daigdig gamit ang kaniyang pambihirang birtud sa paghubog ng Salita bilang Lunas at Barang. Lunas—dahil sa gitna ng dilim at lagim ay nagsisilbing parola ang kaniyang muni-muni, maingat ngunit masinsing pagtatagni ng mga karanasan. Barang—dahil sa kabila ng lumanay ng mga salita ay nakikipagtunggali siya sa buktot at malisyosong pag-iisip, at may iniiwang gigil at ligalig sa nakaririnig. Narito si Añonuevo bilang propeta at kritiko, may dulog na dunong at habilin sa darating na henerasyon ng mambabasa’t manunulat.
