Description
Gaya ng ibang mga batang nasa autism spectrum, parte ng pang-araw-araw na coping mechanism ni Anya sa pagharap sa iba’t ibang emosyon ay ang tinatawag na “stimming”. May mga batang naghihilera ng kanilang mga laruan. May mga batang itinatambol sa lamesa ang mga lapis. May mga batang walang tigil sa pag-ungol at pagsipol. Habang si Anya ay tumitingkayad, tumatalon, kumakaway, umiikot, at yumuyugyog. At dahil paulit-ulit niya itong ginagawa, ang tingin ng iba ay siya’y sumasayaw.
Sa kaniyang mga kapamilya at kaeskwela, itong “sayaw” ni Anya, kahit kakatwa, ay nakatutuwang talaga. Pero paano na kaya kung may makasalamuha si Anya na mga malolokong bata na hindi pa siya lubos na naiintindihan?
